საქართველოს პრეზიდენტის თქმით, ქალთა მიმართ ნებისმიერი სახის ფსიქოლოგიური თუ ფიზიკური ძალადობა მიუღებელია.
სალომე ზურაბიშვილი საქართველოს პარლამენტის დეპუტატის, სოფიო კილაძის მიმართ განხორციელებულ ფსიქოლოგიური ძალადობის ფაქტს გამოეხმაურა:
“ძალადობის მსხვერპლი შესაძლოა აღმოჩნდეს ნებისმიერი ადამიანი და საზოგადოება ამ დანაშაულის მიმართ შემწყნარებელი ვერ იქნება, რადგან ეს ქართული კულტურისა და ტრადიციებისთვის შეუსაბამოა,”- წერს სალომე ზურაბიშვილი სოციალურ ქსელში.
ცნობისთვის, “ქართული ოცნების” დეპუტატმა, სოფიო კილაძემ განაცხადა, რომ ყოფილმა ქმარმა მასზე ფსიქოლოგიურად იძალადა. სოფიო კილაძე დამატებით დეტალებზე არ საუბრობს და ფიზიკურ ძალადობას არ ადასტურებს.