პროკურატურის ყოფილმა მაღალჩინოსანმა მირზა სუბელიანმა შსს 12:05 წუთზე დატოვა. მან მედიასთან კომენტარები არ გააკეთა, რადგანაც გაუთქმელობის პირობა აქვს დადებული. მისი გამოკითხვა შსს-ში 9 საათზე მეტხანს გაგრძელდა.
„ხელწერილი მაქვს გაუთქმელობის შესახებ დადებული და ვერანაირ კომენტარს ვერ გავაკეთებ. გამომძიებლებს ქონდათ კითხვები და ვუპასუხე. რამდენჯერაც დამიბარებემ იმდენჯერ მოვალ“, – განაცხადა სუბელიანმა ჟურნალისტებთან.
შეგახსენებთ, რომ მირზა სუბელიანის დასჯას, 6 თვის წინ, თბილისში, ხორავას ქუჩაზე მოკლული მოზარდის მამა, ზაზა სარალიძე ითხოვს და აცხადებს, რომ ის დაინტერესებული პირია მისი შვილის მკვლელობის საქმეში.