საქართველოს პრეზიდენტის ადმინისტრაციას ბიუჯეტი 2.2 მილიონი ლარით ეზრდება.
ამას ითვალისწინებს 2019 წლის ბიუჯეტში დაგეგმილი ცვლილებები, რომელიც პარლამენტში საქართველოს მთავრობამ წარადგინა.
“საქართველოს პრეზიდენტის ადმინისტრაციის დამტკიცებული ასიგნებები გაიზარდა 2.2 მლნ ლარით და შეადგენს 8.2 მლნ ლარს. აღნიშნული ზრდა გამოწვეულია მიმდინარე წელს ადმინისტრაციის ფუნქციონირების ხარჯების დინამიკითა და წლის ბოლომდე დაგეგმილი ვიზიტებითა და ღონისძიებებით”, – ნათქვამია მთავრობის დასაბუთებაში.
