ზამთრის სეზონის მოახლოებასთან დაკავშირებით, ტყეკაფებამდე მისასვლელი სატყეო-სამეურნეო გზების აღდგენითი სამუშაოები აქტიურ ფაზაშია. სამუშაოები ამჯერად სამცხე-ჯავახეთის რეგიონში, სოფელ სვირში მიმდინარეობს. ინფორმაციას ეროვნული სატყეო სააგენტო ავრცელებს.
“გარემოს დაცვისა და სოფლის მეურნეობის სამინისტრო სატყეო გზების რეაბილიტაციას მთელი ქვეყნის მასშტაბით ახორციელებს, რაც ხელს შეუწყობს ხანძარსაწინააღმდეგო პრევენციული ღონისძიებების ჩატარებასა და ტყის მოვლა-აღდგენის სამუშაოებს. აგრეთვე, მოსახლეობას გაუადვილდება სააგენტოს მიერ გამოყოფილი ტყეკაფებიდან საშეშე მერქნის გამოტანა. სამუშაოების შედეგად გაუმჯობესდება ხანძრებთან ბრძოლის ღონისძიებების ეფექტურობაც”, – ნათქვამია სააგენტოს მიერ გავრცელებულ ინფორმაციაში.
