ისრაელის დარტყმას ღაზაში 44 ადამიანი ემსხვერპლა. ადგილობრივი ჯანდაცვის უწყების ცნობით, ისრაელმა ღაზის სექტორის ჩრდილოეთით მდებარე ჯაბალიაში, პოლიციის ერთ-ერთ განყოფილებაზე მიიტანა იერიში, რა დროსაც, ათი ადამიანი დაიღუპა, ათობით ადამიანი კი დაშავდა. მათივე ცნობით, ანკლავის სხვადასხვა ნაწილში ისრაელის დარტყმებმა კიდევ 34 ადამიანი იმსხვერპლა.
როგორც „როიტერი“ წერს, ადგილობრივი ჯანდაცვის უწყების ცნობით, 7 ოქტომბრის შემდეგ ჯამში 51 300-ზე მეტი პალესტინელი დაიღუპა.
