ვატიკანში, წმინდა პეტრეს მოედანზე ათასობით ადამიანი რიგში დგას, რომ წმინდა პეტრეს ტაძარში შევიდეს და პონტიფიკოსს დაემშვიდობოს.
რომის პაპის დაკრძალვის ცერემონია 26 აპრილს გაიმართება. პაპის ცხედარს მისივე ანდერძის თანახმად, ვატიკანის გარეთ მდებარე სანტა მარია მაჯორეს ბაზილიკაში გადაასვენებენ.
ცერემონიას დაესწრებიან მსოფლიო ლიდერები, მათ შორის, დიდი ბრიტანეთის პრემიერი, საფრანგეთის პრეზიდენტი, იტალიის პრემიერი და ევროკომისიის პრეზიდენტი. დაკრძალვას, ასევე, დაესწრება მიხეილ ყაველაშვილი ქართულ დელეგაციასთან ერთად.
