კესარია აბრამიძის მკვლელობის საქმეზე განაჩენი 17 აპრილს გამოცხადდება. მკვლელობაში ბრალდებულ ბექა ჯაიანს 20 წლამდე ან უვადო პატიმრობა ემუქრება. ჯაიანი დანაშაულს მხოლოდ ნაწილობრივ აღიარებს.
იმ შემთხვევაში, თუკი მოსამართლე ნინო გალუსტაშვილი დაცვის მხარის არგუმენტაციას გაიზიარებს, ანუ ვერ დაინახავს დამამძიმებელ გარემოებებს, ბექა ჯაიანის სასჯელი მინიმუმ 10 და მაქსიმუმ 15 წლით პატიმრობა იქნება.
ტრანსგენდერი ქალი, კესარია ამბრამიძე საკუთარ სახლში მოკლეს. მას ჭრილობები დანით ჰქონდა მიყენებული.
