„პოლიტიკური აღმასკომის სხდომა“ შოთა ხაბარელმა დატოვა

„სპორტული აღმასკომი“ ძიუდოს ფედერაციაში არსებულ პრობლემებს დახურულ კარს მიღმა განიხილავს. სხდომა, სადაც ძიუდოს ნაკრების მწვრთნელობის კანდიდატს უსმენენ, აღმასკომის წევრმა, სპორტისა და ახალგაზრდობის კომიტეტის თავმჯდომარის მოადგილე შოთა ხაბარელმა, პროტესტის ნიშნად დატოვა.

მისი შეფასებით, შემადგენლობა, რომელიც ქევხიშვილთან ერთად იბრძვის, ცდილობს დაინგრეს ყველაფერი რაც აქამდე შექმნილა. „მათ“ რეალობის შეგრძნება დაკარგეს.

„მიუღებელია ის ფორმატი რაც აქ ხდება. ფაქტობრივად რეალობის გრძნობა დაკარგული აქვთ. მე ვკითხე დავით ქევხიშვილს თუ ვისი მწვრთნელი უნდა იყოს ჰოლანდიელი სპეციალისტი. ნაკრების ვარჯიშზე სპორტსმენები არ დადიან. ის შემადგენლობა, რომელიც ქევხიშვილთან ერთად იბრძვის, ცდილობს დაინგრეს ყველაფერი რაც შეიქმნა. პირდაპირ ვამბობ არც ერთს არ აინტერესებს საქართველოს ბედ იღბალი. თუ გადავხედავთ მის ბეგრაუნდს ყვარელში, იქაც ასე ჯიუტობდა და იქაც ასე გამოიყვანეს ძალით გამგეობიდან. ასეთი დაძაბული სიტუაცია უნდა, რომ შექმნას ქვეყანაში. თუ გადავხედავთ – გვერდზე ჩოჩელი უზის და ბევრია ისეთი პირი ვინც პირდაპირ იყო დაკავშირებული ნაციონალურ მოძრაობასთან. ამას უკვე პოლიტიკური ელფერი ეძლევა“, – განაცხადა შოთა ხაბარელმა.

მსგავსი თემები