საფრანგეთში, საჰაერო შოუს რეპეტიციის დროს, ორი თვითმფრინავი ერთმანეთს შეეჯახა და ჩამოვარდა. ქვეყნის საჰაერო კოსმოსური ძალების ცნობით, სამივე პილოტმა კატაპულტირება დროულად მოახერხა და მათ სიცოცხლეს საფრთხე არ ემუქრება.
შემთხვევა სამშაბათს, სენტ-დიზიეს საჰაერო ძალების ბაზასთან შუადღისას, დაახლოებით 15:35 საათზე მოხდა. წინასწარი მონაცემებით, შეჯახების დროს, ავიაშოუზე ჰაერში Alpha Jet-ის ექვსი თვითმფრინავი იმყოფებოდა. ავიაკატასტროფის შედეგად, ხმელეთზე არავინ დაშავებულა.
