აშშ-ის პრეზიდენტის, დონალდ ტრამპის მრჩეველმა ეროვნული უსაფრთხოების საკითხებში მაიკ უოლცმა განაცხადა, რომ ამერიკის შეერთებული შტატების მიზანი ირანის ბირთვული პროგრამის სრული დემონტაჟია.
მისი თქმით, ირანის ისლამურმა რესპუბლიკამ ბირთვული იარაღის შექმნის სურვილი მთელი მსოფლიოს დასანახად უნდა დათმოს.
როგორც მან აღნიშნა, საკუთარი მარიონეტებით თეირანი რეგიონში ქაოსს იწვევს.
