ისრაელმა ლიბანის მიმართულებით ათობით რაკეტა გაუშვა. მათ სამიზნეს რაკეტგამშვები დანადგარები წარმოადგენდა, საიდანაც „ჰეზბოლა“ ისრაელის მიმართულებით ცეცხლს ხსნიდა.
„როიტერის“ ცნობით, ეს ცეცხლის შეწყვეტის შემდეგ, ლიბანზე განხორციელებული პირველი სარაკეტო იერიშია. ლიბანური მხარის ცნობით, დაიღუპა ერთი ადამიანი.
ისრაელის შეიარაღებული ძალები ასევე განაგრძობენ სამხრეთ ლიბანში ხუთი ტერიტორიის დაკავებას.
