,,სამი წლის წინ, როდესაც რუსეთი უკრაინაში შეიჭრა, ვლადიმერ პუტინს ჰქონდა მკაფიო და შემზარავი მისია: გაენადგურებინა უკრაინის სახელმწიფო და ჩამოერთვა უკრაინელი ხალხისთვის განსხვავებული ეროვნული იდენტობა”, – – ამის შესახებ ჰელსინკის კომისიის განცხადებაშია აღნიშნული.
,,პუტინმა და მისმა ჯარებმა ჩაიდინეს ომის დანაშაულები ისეთი მასშტაბით, რომელიც ევროპაში მეორე მსოფლიო ომის შემდეგ არავის უნახავს.
ისინი იტაცებენ უკრაინელ ბავშვებს, ნადირობენ მშვიდობიან მოსახლეობაზე, ძალადობენ სამხედრო ტყვეებზე და ანადგურებენ ენერგეტიკულ ქსელს, მილიონობით ოჯახს ზამთრის სიცივესა და სიბნელეში ძირავენ.
პუტინის ამბიციები უკრაინის საზღვრებთან არ მთავრდება. ის აპირებს ძალის საშუალებით აღადგინოს რუსეთის იმპერია. თუ თავისუფალი ქვეყნები არ შეაჩერებენ პუტინს უკრაინაში, მისი აგრესია მალე საფრთხეს შეუქმნის ევროპულ სახელმწიფოებს, რომელთა დაცვის ვალდებულებაც ხელშეკრულებით გვაკისრია“, – აღნიშნულია განცხადებაში.
კომისია აცხადებს, რომ ომის სამართლიანი დასრულება უნდა მოიცავდეს უსაფრთხოების მყარ გარანტიებს უკრაინის ტერიტორიისა და სუვერენიტეტისთვის.
