აშშ-ში, სამხრეთ კალიფორნიაში ხანძარი მძვინვარებს. ცეცხლი ისეთი მასშტაბურია, რომ 24 საათზე ნაკლებ დროში 14,500 ჰექტარი გაანადგურა. დამწვარია საცხოვრებელი სახლები და ავტომობილები, რეგიონიდან ევაკუირებულია ათასობით ადამიანი.
ადგილობრივი ხელისუფლების ინფორმაციით, ხანძრის მასშტაბურობიდან გამომდინარე, ის უკონტროლოა და ამ ეტაპისთვის, მეხანძრე-მაშველებს მისი არც ერთი კერის ლოკალიზება არ შეუძლიათ, თუმცა სამუშაოები აქტიურად მიმდინარეობს.
ამინდის ეროვნულმა ბიურომ, ვენტურასა და ლოს-ანჯელესის ოლქში განგაშის წითელი სიგნალი აამოქმედა, რომელიც ძალაში, სულ მცირე, პარასკევის დილამდე დარჩება.
