ისრაელის არმიის მიერ ღაზის სექტორის დაბომბვას, სულ მცირე, 10 ადამიანი ემსხვერპლა. სამხედრო ოპერაციის შედეგად არიან დაშავებულები. გავრცელებული ინფორმაციით, დაიბომბა სამი საცხოვრებელი სახლი ქალაქ ბეით ლაჰიაში და ნუსეირათის ლტოლვილთა ბანაკი.
ღაზის მოსახლეობა აცხადებს, რომ ახალი საჰაერო და სახმელეთო შეტევები და იძულებითი ევაკუაცია იყო ეთნიკური წმენდა, რომელიც მიზნად ისახავს ღაზის ჩრდილოეთით მდებარე ორი ქალაქის, მათი მოსახლეობის და ლტოლვილთა ბანაკის დაცლას ბუფერული ზონების შესაქმნელად.
გასული დღის განმავლობაში ღაზის სექტორში ისრაელის სამხედრო ოპერაციას, სულ მცირე, 33 ადამიანი ემსხვერპლა, 156 კი დაშავდა.
