პოლტავასა და ოდესაზე რუსი სამხედროების იერიშის შედეგად მშვიდობიანი მოქალაქეები დაშავდნენ, მათ შორის მაშველებიც. ოდესის სამხედრო ადმინისტრაციის ხელმძღვანელის ცნობით, რუსულმა მხარემ ქალაქზე სარაკეტო დარტყმები განახორციელა.
ადგილობრივი ხელისუფლების ცნობით, დაშავებულები ადგილობრივ საავადმყოფოში არიან გადაყვანილები, მათ შესაბამის დახმარებას უწევენ.
ასევე, რუსმა სამხედროებმა იერიში პოლტავაზე უპილოტო საფრენი აპარატებით მიიტანეს, რომლის ფრაგმენტების ჩამოვარდნის შედეგად კერძო საცხოვრებელ სახლებს ხანძარი გაუჩნდა.
ხანძარი გარკვეულ ტერიტორიაზე ლიკვიდირებულია, თუმცა ცეცხლის სრულად ქრობის პროცესი ამ დრომდე გრძელდება. შემთხვევის ადგილზე საგანგებო სიტუაციების სამსახურები მუშაობენ.
