ყაზანში BRICS (მთავრობათაშორისი ორგანიზაცია, რომელიც მოიცავს ბრაზილიას, რუსეთს, ინდოეთს, ჩინეთს, სამხრეთ აფრიკას, ირანს, ეგვიპტეს, ეთიოპიას და არაბთა გაერთიანებულ საემიროებს) XVI სამიტი იმართება, რომელსაც ჩინეთის პრეზიდენტი სი ძინპინი ესწრება. როგორც მან აღნიშნა, BRICS-ის გაფართოება ერთ-ერთი პრიორიტეტია და ამ სამიტზე გადაწყდა მრავალი ქვეყანა მოიწვიონ პარტნიორ ქვეყნებად.
„ჩვენ BRICS-ის ქვეყნები გავერთიანდით ჩვენი საერთო მისწრაფებისთვის და მშვიდობისა და განვითარების ძირითადი ტენდენციისთვის. ჩვენ სრულად უნდა გამოვიყენოთ ეს სამიტი, შევინარჩუნოთ BRICS-ის იმპულსი და განვიხილოთ და შევიმუშავოთ ჩვენი სტრატეგია იმ საკითხების მოსაგვარებლად, რომლებსაც აქვთ გლობალური გავლენა, განვსაზღვროთ ჩვენი მომავალი მიმართულება და გააჩნიათ სტრატეგიული მნიშვნელობა. როდესაც სამყარო შედის ახალ პერიოდში, რომელიც განსაზღვრულია ტურბულენტობითა და ტრანსფორმაციით, ჩვენ ვდგავართ გადამწყვეტი არჩევანის წინაშე, რომელიც განსაზღვრავს ჩვენს მომავალს. უნდა დავუშვათ თუ არა სამყაროს უწესრიგობისა და ქაოსის უფსკრულში ჩავარდნა, თუ უნდა შევეცადოთ მისი უკან დახევა მშვიდობისა და განვითარების გზაზე?“ – ეს კითხვა სამიტზე სი ძინპინს ეკუთვნის.
მისივე შეფასებით, ქვეყნებმა ერთად უნდა იმუშაონ იმისათვის, რომ BRICS იყოს პირველადი არხი გლობალური სამხრეთის ქვეყნებს შორის სოლიდარობისა და თანამშრომლობის გასაძლიერებლად და რეფორმის წინსვლისთვის.
„ჩვენ უნდა ავაშენოთ BRICS, რომელიც მოწოდებულია მშვიდობისკენ და ჩვენ ყველანი უნდა ვიმოქმედოთ როგორც საერთო უსაფრთხოების დამცველები. უკრაინის კრიზისი კვლავ გრძელდება. ჩინეთმა და ბრაზილიამ, გლობალური სამხრეთის სხვა ქვეყნებთან თანამშრომლობით, წამოიწყეს მეგობართა ჯგუფი მშვიდობისთვის კრიზისის მოსაგვარებლად. მისი მიზანია მშვიდობის მომხრე მეტი ხმის მოპოვება. ჩვენ უნდა დავიცვათ სამი ძირითადი პრინციპი: არ გავაფართოვოთ ბრძოლის ველი, არ მოხდეს საომარი მოქმედებების ესკალაცია და ვისწრაფოთ სიტუაციის სწრაფი დეესკალაციისკენ“ – აღნიშნა სიძინპინმა.
