„საზოგადოების გადასაწყვეტია, ვინ იქნება მინუს ერთი და ვის „დაამინუსებს“ საზოგადოება, ეს გამოჩნდება არჩევნებში“,- ამის შესახებ პარლამენტის თავმჯდომარე არჩილ თალაკვაძემ განაცხადა.
არჩილ თალაკვაძემ კიდევ ერთხელ დაადასტურა, რომ მმართველი გუნდი მზადაა, იმუშაოს იმ ოპოზიციურ პარტიებთან ერთად, ვინც კონსტიტუციას და კანონმდებლობას სცემს პატივს.
„ჩვენ მზად ვართ, სამუშაო ფორმატში, ვიმუშაოთ და იმ ოპოზიციურ პარტიებთან, ვინც პატივს სცემენ კონსტიტუციას, კანონმდებლობას და ვისაც ჩვენი ქვეყნის განვითარების გზა წარმოუდგენია სწორედ კონსტიტუციის და დემოკრატიული პრინციპების ფარგლებში. შესაბამისად, მინუსში აქ რჩებიან ზუსტად ის ადამიანები, ვისაც აქვთ ძალადობრივი დღის წესრიგი, ვინც მოუწოდებენ რევოლუციის და დესტაბილიზაციისკენ და ვინც რეალურად, დემოკრატიულ ინიციატივებს ეწინააღმდეგებიან ისე, რომ არც კი შემოსულან განხილვაში“,- განაცხადა პარლამენტის თავმჯდომარემ.
