ჩერნობილის ზონაში რამდენიმე დღის წინ გაჩენილი ხანძრის ჩაქრობას ამ დრომდე ცდილობენ. უკრაინის სახელმწიფო საგანგებო სიტუაციების სამსახურის ინფორმაციით, ხანძრის ქრობის პროცესში 120 მეხანძრე-მაშველი მონაწილეობს.
რადიაციულ-ქიმიური დაცვის სპეციალისტები ტერიტორიას მუდმივად ამოწმებენ. მათი ცნობით, ამჟამად რადიაციული ფონი ნორმის ფარგლებშია.
არსებული ინფორმაციით, ჩერნობილის ატომური ელექტროსადგურის ე.წ. გაუცხოების ზონის ტერიტორიაზე ცეცხლი დაახლოებით 20 ჰექტარ ფართობზეა გავრცელებული.
