15 წლის გოგონას სიცოცხლის გადასარჩენად 200 000 მადლიანი ადამიანი იძებნება

“ვეძებ 200 000 მოხალისეს, 200 000 მოკავშირეს, 200 000 მადლიან ადამიანს, რომლებსაც პატარა გოგოს ტრაგედია სულს აუფორიაქებს! როგორ დავიჯერო, რომ ვერ ვიპოვი?! და თუ ვართ ამდენი, მაშინ სულ მარტივად შევძლებთ ვუყიდოთ ნათიას სიცოცხლე,” – წერს 15 წლის ნათიას დასახმარებლად მისი მასწავლებელი, ნინო გიორგაძე სოციალურ ქსელში.

15 წლის ნათიას მეოთხე სტადიის სწორი ნაწლავის კიბო დაუდგინდა. კიბოს მეტასტაზები ლიმფურ მილებსა და ძვლებშია გავრცელებული. მოზარდის მკურნალობაზე თანხმობა ერთადერთმა კლინიკამ “ენვიტამ” (აშშ.არიზონა) განაცხადა. ნათიას ამერიკაში წასაყვანად და სამკურნალოდ 200 000 $ ესაჭიროება, თუმცა, ოჯახს საშუალება არ აქვს.

„ეს ფერიასავით გოგო ნათიაა, ჩემი მოსწავლეა. ის მხოლოდ 15 წლისაა, მაგრამ უკვე სიცოხლისთვის იბრძვის. ნათიას დაუდგინეს სწორი ნაწლავის კიბო(IV სტადია). მეტასტაზები გავრცელებულია ლიმფურ მილებსა და ძვლებში. ფილტვისა და სხვა ორგანოებში უგროვდება სითხე. ერთადერთი კლინიკა, რომელმაც თანხმობა განაცხადა ნათიას მკურნალობაზე, ენვიტაა(აშშ.არიზონა), მაგრამ, საუბედუროდ, დედამიწაზე სიცოცხლეს არავინ გჩუქნის უფასოდ: ის უნდა იყიდო!

ნათიამ უნდა იცოცხლოს, დიდხანს უნდა იცოცხლოს. ყოველი დღით უნდა დატკბეს. ფერადი მომავალი უნდა ჰქონდეს. ორი ჩემოდენა უნდა მოიყაროს, თოვლივით უნდა გაჭაღარავდეს და მერე წავიდეს ზემოურებთან. ჯერ კი ადრეა, ძალიან ადრეა, ის ხომ მხოლოდ 15 წლისაა.

მისი სიცოცხლე დღეს ბეწვზე კიდია. ვერაგმა დაავადებამ წამზომი უკვე ჩართო: წუთებს უთვლის ნათიასაც და ჩვენც, ყველას, ვისაც შეგვიძლია, მართლა შეგვიძლია, სიკვდილს შევებრძოლოთ, ნათიას სიცოცხლე ვაჩუქოთ.

ნათიას ამერიკაში წასაყვანად და სამკურნალოდ საჭიროა 200 000 $ . ვიცი, ბევრია, ძალიან ბევრი, მაგრამ არც იმდენი,რომ ყველა დღესასწაულის პომპეზურად აღმნიშვნელმა ქვეყანამ ამ თანხის შეგროვება ვერ შეძლოს.რომ შეიძლებოდეს, რომ უშველიდეს, ჩემს ნაწლავებს ვაჩუქებდი, ჩემს ძვლებსაც ვაჩუქებდი, თქვენ აღარ შეგაწუხებდით. ცხოვრებაში იმდენი ვნახე და განვიცადე, გული არაფერზე დამწყდება. ნათიას კი ჯერ სიცოცხლის მშვენიერებაც არ შეუგრძნია: პატარაა, ძალიან პატარა. საუბედუროდ, არც ჩემი ნაწლავი, არც ჩემი ძვლები მას არ გამოადგება.

ვეძებ 200 000 მოხალისეს, 200 000 მოკავშირეს, 200 000 მადლიან ადამიანს, რომლებსაც პატარა გოგოს ტრაგედია სულს აუფორიაქებს! როგორ დავიჯერო, რომ ვერ ვიპოვი?! და თუ ვართ ამდენი, მაშინ სულ მარტივად შევძლებთ ვუყიდოთ ნათიას სიცოცხლე: გავიმეტოთ მხოლოდ 1$. ხომ შეიძლება ერთი დღე არ მოვწიოთ სიგარეტი, ფეხით წავიდეთ სამსახურში, სალონში არ დავივარცხნოთ თმა, რესტორანში შევუკვეთოთ ერთით ნაკლები კერძი? ხომ შეიძლება?! რას ვითხოვ შეუძლებელს?!“- წერენ ნათიას შესახებ

ნათიას დასახმარებლად თანხის ჩარიცხვა შესაძლებელია:

tbc: ანგარიშის ნომერი GE84TB7473145061100063

საქართველოს ბანკი: ანგარიშის ნომერი GE24BG0000000160805135

მიმღები შალვა ბუხნიკაშვილი (მამა)

მსგავსი თემები