ისრაელის არმია მოუწოდეს ღაზის სექტორში მცხოვრებ ყველა სამოქალაქო პირს მომდევნო 24 საათის განმავლობაში დაიწყონ ქალაქის ევაკუაცია და გადაადგილდნენ სამხრეთის მიმართულებით. მოწოდება 1 მილიონზე მეტ ადამიანს ეხება. ისრაელის სამხედროების განცხადებით, უახლოეს დღეებში ქვეყანა ღაზის სექტორში მნიშვნელოვან ნაბიჯებს გადადგამს, ხოლო მოქალაქეთა უკან დაბრუნება მხოლოდ მაშინ იქნება შესაძლებელი, როცა შესაბამისი ბრძანება გაიცემა. ისრაელის არმია ფიქრობს, რომ “ჰამასის” მებრძოლები სახლების ქვეშ გვირაბებში და შენობებში იმალებიან, სადაც მშვიდობიანი მოსახლეობა ცხოვრობს. ,,ისრაელის თავდაცვის ძალები ყველა მშვიდობიან მოსახლეს ღაზის ქალაქიდან სამხრეთის მიმართულებით ევაკუაციისაკენ მოუწოდებს, მათი უსაფრთხოებისა და დაცვის მიზნით”, – თქვა ისრაელის თავდაცვის მინისტრმა, იოავ გალანტმა.