„ქართული ოცნება“ ცდილობს ქართული ხომალდი კრემლისკენ მიატრიალოს”- იაგო ხვიჩია

”გირჩის“ ლიდერი, იაგო ხვიჩია ნატო-ს გენერალური მდივნის, იენს სტოლტენბერგის განცხადებას ეხმიანება. მისი თქმით, ”„ქოცების“ ვაჟკაცობის ამბავი იმდენად შორსაა გავარდნილი, ხმები ნატო-ს გენმდივნამდეც კი მოვიდა, რომ ისეთი საფრთხე არსებობს, საქართველოდან შეიძლება, რუსეთი მარაგდებოდეს რაღაც საბრძოლო ინვენტარით”.

„ეს რეპუტაციული ზიანი, რომ ჩვენზე ასეთი ეჭვი აქვთ, არის ძალიან გამოუსწორებელი, ამ წუთას, ამ მოცემულობით, მიუხედავად იმისა, კონკრეტულად ეს მომენტი რამდენად გამოიწვევს დასავლეთის რაიმე ტიპის ცვლილებას ჩვენ მიმართ, რადგან ჩვენ აქამდე ვითვლებოდეთ დასავლეთის ერთგულ მეკავშირეებად. ფაქტობრივად, ბოლო პერიოდის განმავლობაში „ქართული ოცნება“ გამოდის და ცდილობს, ქართული ხომალდი კრემლისკენ მიატრიალოს. ეს კიდევ ერთი გაფრთხილებაა ხელისუფლების მიმართ, რომელიც ნებისმიერ შემთხვევაში „ქართულ ოცნებას“, საბოლოო ჯამში, კრახამდე მიიყვანს. ვიდრე ეს მოხდება, მეგობრები, როგორც მეგობრებს შეეფერებათ, აფრთხილებენ საქართველოს ხელისუფლებას. არ მჯერა, რომ „ქართულ ოცნებას“ რამე უშველის და რამე გაფრთხილებას მიიღებენ, მაგრამ, ჩემი აზრით, ეს სწორი გაფრთხილებაა ქართველი ხალხისთვის, რომ ჩვენ მივხედოთ ჩვენს თავს. არავინ არავის ელაპარაკება იმაზე, რომ ცუდი ქცევა და ცოდვების ჩადენა არ შეიძლება, თუ ეჭვი მაინც არ აქვთ, რომ ის ცოდვილია“, – განაცხადა ხვიჩიამ.

,,მნიშვნელოვანია, საქართველო იმ დემოკრატიულ ღირებულებებს შეესაბამებოდეს, რომლებისაც ჩვენ, ყველას, გვწამს”- იენს სტოლტენბერგი

მსგავსი თემები