აქონდროპლაზიის სინდრომის მქონე ბავშვის დედა, მაკუნა გოჩიაშვილი იშვიათი დაავადებების სახელმწიფო პროგრამაში აქონდროპლაზიის დიაგნოზის დამატებას ეხმიანება.
მისი თქმით, პრემიერმა ხელი მოაწერა განკარგულებას, რომ აქონდროპლაზიის მქონე ადამიანებზე სახელმწიფო იღებს პასუხისმგებლობას პროტოკოლით გათვალისწინებული მკურნალობის უზრუნველყოფაზე.
,,ბევრმა მომწერა და მკითხა, ნიშნავს თუ არა პრემიერის ხელმოწერა იმას, რომ წამალი დაიდოო.
პრემიერმა ხელი მოაწერა განკარგულებას, რომ აქონდროპლაზიის მქონე ადამიანებზე სახელმწიფო იღებს პასუხისმგებლობას პროტოკოლით გათვალისწინებული მკურნალობის უზრუნველყოფაზე.
ეს გულისხმობს წამლის გარდა სხვა, ყველა საჭირო პროცედურასა თუ თერაპიას. აქამდე აქონდროპლაზია არ შედიოდა ამ სიაში. წამალი დაიდება, როცა პროტოკოლი დასრულდება მაისის ბოლოს და შემდეგ ოფიციალურად დამტკიცდება რამდენიმე დღეში.
პროტოკოლის ჩონჩხი კი მზად აქვთ და წინა საბჭოზე გავეცანით. მის საბოლოო ვერსიას უკვე შემდეგ საბჭოზე გავეცნობით და დაგააფდეითებთ, რამდენად მისაღები იქნება ჩვენთვის. იქიდან გამომდინარე, რაც შიდა საუბრებში ჟღერდება, არ გვაქვს იმის საფუძველი, ვიეჭვოთ, რომ პროტოკოლში ვოსორიტიდს არ გაითვალისწინებენ.
მაგრამ მაინც დაველოდოთ პროტოკოლს” – წერს მაკუნა გოჩიაშვილი.
