,,კეზერაშვილი შარაგზის ყაჩაღია”- ირაკლი კობახიძე

,,კეზერაშვილი არის ცნობილი ოლიგარქი, ცნობილი ყაჩაღი, შარაგზის ყაჩაღი – ახლა გაკადნიერდა და „ბიბისის“ უჩივლა,”-ასე ეხმიანება „ქართული ოცნების“ თავმჯდომარე, ირაკლი კობახიძე  დავით კეზერაშვილის მიერ ”ბიბისის” წინააღმდეგ სარჩელის შეტანას.

მისი თქმით, კეზერაშვილს იმედი აქვს, რომ ფულით იყიდის იმ სასამართლოს, რომელიც „ბიბისის“ საქმეს განიხილავს.

„კეზერაშვილი თავს დაესხა თავისუფალ მედიას. ადრესატი მისი კუთვნილი ტელევიზია რომ ყოფილიყო, აუცილებლად ასეთ სიტყვებს გამოიყენებდა, რამდენჯერაც სარჩელი შევიტანეთ კონკრეტული მედიასაშუალების მიმართ, როცა საქმე ეხებოდა სიცრუის გავრცელებას და ა.შ., იმდენჯერ კეზერაშვილის ტელევიზიამ ამას უწოდა თავისუფალ მედიაზე თავდასხმა. ამ შემთხვევაში გამოდის, რომ კეზერაშვილი თავს ესხმის თავისუფალ მედიას და ეს არის „ბიბისი“. კეზერაშვილი არის ცნობილი ოლიგარქი, ცნობილი ყაჩაღი, შარაგზის ყაჩაღი, რომელიც ძარცვავდა ჯერ ბიზნესმენებს, შემდეგ ჯარს და შემდეგ ევროპელ პენსიონერებს. ახლა გაკადნიერდა და „ბიბისის“ უჩივლა, როცა ის ამხილეს. მას იმედი აქვს, რომ ფულით იყიდის იმ სასამართლოს, რომელიც „ბიბისის“ საქმეს განიხილავს. ფული საკმაოდ ბევრი აქვს, მას შეიძლება ჰქონდეს საკუთარი პატრონების იმედი, რომლებიც მას ეხმარებიან თავისუფალ მიმოსვლაში ევროპაში. თუ პატრონებიც დაეხმარებიან და დიდი ფულიც იმოქმედებს, შეიძლება, კეზერაშვილმა „ბიბისიც“ დაამარცხოს, როგორც თავის დროზე ამარცხებდა ბიზნესმენებს, ჯარს ძარცვავდა და ამარცხებდა ევროპელ პენსიონერებს. ვნახოთ, დაამარცხებს თუ არა „ბიბისის“, თავისუფალ მედიას“, – განაცხადა კობახიძემ.

მსგავსი თემები