რუსეთის პრეზიდენტის პრესსპიკერი დიმიტრი პესკოვი რუსეთის პრეზიდენტის, ვლადიმერ პუტინის მიერ საქართველოს მოქალაქეებისთვის სავიზო რეჟიმის და პირდაპირ ფრენებზე აკრძალვის გაუქმების ეხმიანება.
პესკოვი გადაწყვეტილებას ჰუმანიტარულს უწოდებს და აცხადებს, რომ რუსეთის ხელისუფლება მიმართვებს ორივე ქვეყნის მოქალაქეების მხრიდან, დიდი ხნის განმავლობაში იღებდა.
,,გუშინ განსხვავებული რეაქცია იყო თბილისიდან. იყო უარყოფითიც, იყო თავშეკავებულიც. მაგრამ ამ შემთხვევაში, რა თქმა უნდა, საუბარია ჰუმანიტარული ბუნების გადაწყვეტილებაზე. საკმაოდ დიდი ხნის განმავლობაში რუსეთის ხელისუფლება იღებდა მიმართვებს ორივე ქვეყნის მოქალაქეების მხრიდან და ორივე ქვეყნის მეწარმეების, საზოგადოებრივი ასოციაციების, სამეცნიერო წრეების, კულტურული ფიგურების მხრიდან, ვინც ითხოვდნენ ამ გადაწყვეტილებების მიღებას და ამ ჰუმანიტარულ მოსაზრებებზე დაყრდნობით გაკეთდა ეს,”- აცხადებს პესკოვი.
