,,ლოზუნგებიდან გამომდინარე, რომელიც აქვთ “მე ვესროლე” და ასე შემდეგ აჩვენებს, რომ ისინი ამართლებენ თავად “მოლოტოვის კოქტეილის” სროლას, ისინი ამართლებენ ადამიანისთვის ბენზინის გადასხმას და ცეცხლის წაკიდებას,”- ასე ეხმაურება პარლამენტის თავმჯდომარე შალვა პაპუაშვილი ლაზარე გრიოგირიადისის მხარდასაჭერ კამპანიას „მე ვისროლე“.
მისი თქმით, „სირცხვილია“ არის კამპანიის ერთ-ერთი მოწინავე, რომელიც ევროპული და ამერიკული ფონდებიდან ფინანსდება.
,,პრობლემა არის ის, რომ ეს პროპაგანდა მათ შორის, ეს კამპანია, ფინანსდება ევროპული და ამერიკული წყაროებით, ჩვენ ვნახეთ, რომ ამ კამპანიის, რომლის მთავარი შინაარსია, თუკი საჭიროა დაშვებულია პოლიციელს გადაასხა ბენზინი და წაუკიდო ცეცხლი, მე ვესროლე ამას ნიშნავს ხომ ეს კამპანია, თუკი ვინმე ჩათვლის, რომ სამართლიანია ეს, თუკი ვინმე ჩათვლის, რომ საჭიროა, დასაშვებია ცოცხალი ადამიანისთვის ცეცხლის წაკიდება, ამ კამპანიას აფინანსებენ ევროკავშირის ფონდები და ამერიკული ფონდები. კერძოდ, ”სირცხვილია” არის ერთ-ერთი მოწინავე ამ კამპანიისა, ვინაიდან დაფარულია დაფინანსებები, ცნობა არ გვაქვს, მაგრამ თავად აღიარებენ რომ მათ აფინანსებს ამერიკის დემოკრატიული ფონდი და ევროკავშირის, ევროპის დემოკრატიის ფონდი, შესაბამისად, ამერიკის გადასახადის გადამხდელების და ევროკავშირის მოქალაქეების გადასახადის გადამხდელების ფულით ფინანსდება აქ ისეთი იდეოლოგიის დანერგვა, რომელიც გულისხმობს, რომ ცოცხალ ადამიანს შეიძლება წაუკიდო ცეცხლი, თუკი ეს შენ საჭიროდ მიგაჩნია. ეს რა თქმა უნდა, კიდევ ერთხელ აჩვენებს არაკეთილსინდისიერი დონორობის პრობლემას საქართველოში, როდესაც ევროპული და ამერიკული ფულით ფინანსდება ადამიანისთვის ცეცხლის წაკიდების გამართლება”, – განაცხადა პაპუაშვილმა.
