,,სააკაშვილს რომ შევუტანოთ საცივი, ვერ შეჭამს. უბრალოდ, რას მოემსახურება საცივის იქამდე მიტანა? ისევ უკან უნდა გამოიტანო, ვერ ჭამს ამ საჭმელს,”- ამის შესახებ მიხეილ სააკაშვილის გათავისუფლების შტაბის ხელმძღვანელმა გიორგი ჩალაძემ განაცხადა.
მისი თქმით, ოჯახს ის საკვები მიაქვს, რომლის მიღებაც შეუძლია მიხეილ სააკაშვილს.
,,ოჯახს მიაქვს სამედიცინო თვალსაზრისით შერჩეული საკვები, რომლის მიღებაც შეუძლია პრეზიდენტ სააკაშვილს. ასე, ჩვენ შეგვიძლია პრეზიდენტ სააკაშვილთან მობილური ტელეფონიც მივიტანოთ, მაგრამ შეუტანენ ამ ტელეფონს? ზუსტად ასეა, როგორც ფიზიკურად ვერ შეუტანენ და ვერ მიიღებს პრეზიდენტი სააკაშვილი ჩვენ მიტანილ „ყიყლიყოს“, ასე ვერ შეჭამს იმ საჭმელს, რომელსაც ვერ ჭამს. მას რომ შევუტანოთ საცივი, ვერ შეჭამს. უბრალოდ, რას მოემსახურება საცივის იქამდე მიტანა? ისევ უკან უნდა გამოიტანო, ვერ ჭამს ამ საჭმელს. ამაზე ხაზს ვუსვამ, რომ საშუალება გვაქვს, რადგან თუ ვინმეს ეჭვი ეპარება, რომ საშუალება არ აქვს ოჯახს საჭმელი მიუტანოს, საერთოდ, რაზეა ლაპარაკი. პრეზიდენტი რომ ვერ ჭამს, დამტკიცებულია ძალიან მაგარ დასკვნაში. ამერიკელი ექიმები, მათ შორის ნობელის პრემიის ლაურეატი წერს, რომ ის არის მძიმე მეტალებით მოწამლული, მისი ორგანიზმი ვერ მიიღებს საკვებს, ვიდრე არ მოხდება დეტოქსიკაცია“, – განაცხადა ჩალაძემ „პალიტრანიუსის“ გადაცემა „ნიუსრუმში“.