,,წინა ხელისუფლებას ომამდე არ ჰქონდა შიში და შემდეგ შეეშინდათ, ჩვენ ვმოქმედებთ პირიქით, უნდა შეგეშინდეს შენი ქვეყნის გამო, თუნდაც იმისთვის, რომ დაიცვა მშვიდობა, ეს არის პასუხისმგებლობა ხალხისა და ქვეყნის წინაშე,”– ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
კობახიძე ვლადიმერ პუტინთან დაკავშირებით ჰააგის სასამართლოს გადაწყვეტილებასაც გამოეხმაურა.
,,რაც შეეხება კონკრეტული პირების დამნაშავეებად ცნობას, ეს არის შესაბამისი სასამართლო ინსტანციის საქმე და უნდა დაველოდოთ სასამართლო გადაწყვეტილებას. დაკავების ორდერი არ ნიშნავს სასამართლოს გადაწყვეტილებას. არ არის საკმარისი. არავის არაფრის ეშინია. გაგახსენებთ 2008 წელს, მგონი სჯობდა, მაშინდელ ხელისუფლებას შეშინებოდა ომამდე და არა ომის დროს. სჯობდა, გორში კი არ გაქცეულიყო მაშინდელი მთავარსარდალი, მაშინ კი არ შეშინებოდა, მანამდე შეშინებოდა. როცა გაიქცნენ წითელი ხიდიდან, მაშინ კი არ უნდა შეშინებოდათ, მანამდე უნდა შეშინებოდათ. ამიტომ, შიში არის საჭირო მაშინ, როცა უნდა შეგეშინდეს და როცა არ უნდა შეგეშინდეს და როცა ხალხს უნდა აჩვენო შენი სითამამე, მაშინ უნდა აჩვენო სითამამე. წინა ხელისუფლება მოქმედებდა პირიქით. ომამდე არ ჰქონდათ შიში და ომის დროს შეეშინდათ. ჩვენ ვმოქმედებთ პირიქით. უნდა შეგეშინდეს შენი ქვეყნის გამო, თუნდაც იმისათვის, რომ დაიცვა მშვიდობა შენს ქვეყანაში. ეს შიში არამარტო გამართლებულია, არამედ არის პასუხისმგებლობა ჩვენი ხალხის და ჩვენი ქვეყნის წინაშე“, – განაცხადა კობახიძემ.
