მოვუწოდებთ საქართველოს პოლიტიკოსებს, გააგრძელონ თავიანთი ხალხის მოსმენა და არ გამოუთხარონ ძირი თავიანთი ქვეყნის მომავალ პერსპექტივებს, – ამის შესახებ „ევროპის სახალხო პარტიის“ განცხადებაშია ნათქვამი.
„ქართველი ხალხის ხმა, რომელსაც სჯერა თავისი ქვეყნის ევროპული მომავლის, ძლიერი და ნათელია. ხელისუფლებამ უარი თქვა უცხოური აგენტების კანონპროექტზე. მოვუწოდებთ საქართველოს პოლიტიკოსებს, გააგრძელონ თავიანთი ხალხის მოსმენა და არ გამოუთხარონ ძირი თავიანთი ქვეყნის მომავალ პერსპექტივებს“, – ნათქვამია განცხადებაში.
