,,საქართველოს ამჟამინდელი ხელმძღვანელობა სიტუაციას აკონტროლებს,”- ამის შესახებ ოკუპირებული აფხაზეთის, დე ფაქტო პრეზიდენტმა ასლან ბჟანიამ განაცხადა.
,,საქართველოს ამჟამინდელი ხელმძღვანელობა სიტუაციას აკონტროლებს, მაგრამ ოპოზიცია აფხაზეთში არაერთი ცუდი მოვლენის მოწყობას გეგმავს. რაღაცის შეჩერება მოვახერხეთ,”- განაცხადა ბჟანიამ.
ბჟანიას თქმით, უსაფრთხოება ოკუპირებული აფხაზეთის განვითარების ყველაზე მნიშვნელოვანი პირობაა.
„უსაფრთხოება ჩვენი სახელმწიფოს განვითარების ყველაზე მნიშვნელოვანი პირობაა. ჩვენ უნდა უზრუნველვყოთ ჩვენი სახელმწიფოს უსაფრთხოება და პრევენციული ზომები არასდროს იქნება ზედმეტი,”- აღნიშნა დე ფაქტო პრეზიდენტმა.