უკრაინის პრეზიდენტის, ვოლოდიმირ ზელენსკის განცხადებით, არ შეამცირებენ, როგორც გარე, ისე შიდა ზეწოლას მტერზე. ამის შესახებ მან ტრადიციულ ვიდეომიმართვაში ისაუბრა.
,,როგორც ყოველთვის, მთელი დღის განმავლობაში ვიღებდი მოხსენებებს ჩვენი სამხედრო, თავდაცვისა და უსაფრთხოების სექტორის ლიდერებისგან. კერძოდ, დღეს შინაგან საქმეთა მინისტრმა, იგორ კლიმენკომ „შეტევითი გვარდიის“ ახალი ბრიგადების ფორმირების შესახებ ისაუბრა. შედეგები კარგია.
მე გავმართე რამდენიმე მოსამზადებელი შეხვედრა ჩვენი ქვეყნის მხრიდან სანქციების შემდგომი ნაბიჯების კონტექსტში. ჩვენ არ შევამცირებთ ზეწოლას მტერზე – როგორც გარე, ისე შიდა. დეტალებს გაგიზიარებთ”,- განაცხადა ზელენსკიმ.
