,,პუტინმა არ უნდა გაიმარჯვოს”- იენს სტოლტენბერგი

,,პუტინს არ სურს მშვიდობა, ის უკრაინაში ახალი შეტევისთვის ემზადება” – ამის შესახებ ნატო-ს გენერალურმა მდივანმა, იენს სტოლტენბერგმა ჯოზეფ ბორელთან და დმიტრო კულებასთან ერთობლივ ბრიფინგზე განაცხადა.

მისი  თქმით, პუტინმა არ უნდა გაიმარჯვოს.

„ნატო და ევროკავშირი უკრაინის გვერდით დგანან. ერთი წლის წინ პრეზიდენტმა პუტინმა დაიწყო უკანონო ომი მშვიდობიანი მეზობლის წინააღმდეგ. ფაქტები ყველასთვის ნათელია. არავინ ესხმის თავს რუსეთს. აგრესორი არის რუსეთი. უკრაინა აგრესიის მსხვერპლია. ჩვენ მხარს ვუჭერთ უკრაინის უფლებას დაიცვას თავი, რომელიც გათვალისწინებულია გაერო-ს წესდებაში. სწორედ პრეზიდენტმა პუტინმა დაიწყო ეს იმპერიული დაპყრობითი ომი. ეს არის პუტინი, რომელიც აგრძელებს ომის ესკალაციას. მას ეგონა, რომ შეეძლო უკრაინის განადგურება და ჩვენი გაყოფა, მაგრამ მან ვერ შეაფასა უკრაინელი ხალხის მონდომება, დაიცვას სამშობლო. მან ვერ შეაფასა ჩვენი ერთიანობა. ერთი წელი მას შემდეგ, რაც რუსეთის შეჭრა დაიწყო, ჩვენ ვერ ვხედავთ იმის ნიშანს, რომ პრეზიდენტი პუტინი ემზადება მშვიდობისთვის. პირიქით, როგორც მან დღეს ცხადყო, მეტი ომისთვის ემზადება. რუსეთი ახალ შეტევებს იწყებს. არის მეტი ჯარის მობილიზება. დაუკავშირდა ჩრდილოეთ კორეას და ირანს. ჩვენ ასევე სულ უფრო შეშფოთებულნი ვართ, რომ ჩინეთი შესაძლოა გეგმავს რუსეთის ომის ლეტალური დახმარების გაწევას. პუტინმა არ უნდა გაიმარჯვოს. ეს აჩვენებს, რომ აგრესია მუშაობს და ძალა დაჯილდოებულია. ეს საშიში იქნებოდა ჩვენი უსაფრთხოებისთვის და მთელი მსოფლიოსთვის“, – განაცხადა სტოლტენბერგმა.

მსგავსი თემები