თურქეთში მიწისძვრის შედეგად დაღუპულთა რიცხვმა 40 000-ს გადააჭარბა. როგორც ადგილობრივი, ისე საერთაშორისო მაშველები ნანგრევებში მოყოლილებს ამ დრომდე ეძებენ. ადამიანების ცოცხლად გამოყვანის შესაძლებლობა უკვე გადაწურულია.
სტიქიის ზონიდან 430 000-ზე მეტი ადამიანის ევაკუაცია განხორციელდა. რაც შეეხება ზარალს, ამ ეტაპზე არსებული ინფორმაციით, ზარალის შეფასება 830 000-ზე მეტ ობიექტზე მოხდა. მიმდებარე პერიმეტრზე თითქმის ყველა შენობა ავარიულია, რაც შედარებით სუსტი მიწისძვრის დროსაც კი ნგრევის საფრთხეს ქმნის.
