მიხეილ სააკაშვილი დედის, გიული ალასანიას განცხადებით მოსამართლე გიორგი არევაძემ დღეს „სიკვდილსა და სიცოცხლეს შორის არჩევანი უნდა გააკეთოს“.
მისი თქმით, გამამტყუნებელი განაჩენის შემთხვევაში სტრასბურგში საჩივრის შეტანას აპირებს.
„რაც შეეხება მოლოდინებს, იმედი მაქვს, რომ მოსამართლის გადაწყვეტილება დადებითი იქნება. ის (მიხეილ სააკაშვილი) არაფერს ამბობს, სასამართლოს გადაწყვეტილებას ელოდება. თუ გამამტყუნებელი გადაწყვეტილება იქნება (ღმერთმა ნუ ჰქნას), ეს იმას ნიშნავს, რომ ყველაფერი პუტინის ინტერესებში იქნება. ამ შემთხვევაში, მიხეილ სააკაშვილი სასიკვდილოდ განწირული იქნება. ახლა გიორგი არევაძე სიკვდილსა და სიცოცხლეს შორის არჩევანს აკეთებს. დღეს ქართული სასამართლო და მთლიანად ქვეყანა გამოცდის წინაშე დგას.
გამამტყუნებელი განაჩენის შემთხვევაში სტრასბურგში საჩივრის შეტანას ვაპირებთ“, – განაცხადა გიული ალასანიამ.
