,,კითხვებს ბადებს მოვლენათა ისეთი განვითარება, როცა ერთი დღით ადრე სააკაშვილის რეანიმაციაში გადაყვანას ითხოვდნენ და დღეს თავად მოითხოვეს სასამართლო სხდომაზე პირდაპირი ეთერით ჩართვა,” – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.
„მის წარმომადგენლებს სურთ, პატიმარი დაიხსნან ციხიდან და ამისთვის ყველა ნაბიჯს დგამენ, არანაირ ქმედებას არ ერიდებიან. გარკვეულწილად, ცრუ ინფორმაციები მალე გამოჩნდება და საკუთარ თავს გამოავლენს. არ არის საჭირო, სამედიცინო და სამართლებრივი საკითხი პოლიტიკური გავხადოთ. დავაცადოთ სამედიცინო სექტორს და სასამართლოს საკითხის გადაწყვეტა, რაც მათი პრეროგატივაა“, – განაცხადა დავით მათიკაშვილმა.
