”ბლუმბერგის” ინფორმაციით, ევროკავშირი ბელარუსის წინააღმდეგ სანქციების ახალ პაკეტს ამზადებს, რაც ომში რუსეთის მხარდაჭერას უკავშირდება.
მათივე ცნობით, სანქციები დიდწილად იმეორებს იმ შეზღუდვებს, რომლებიც ევროკავშირმა უკვე დაუწესა რუსეთს – ძირითადად ტექნოლოგიების ექსპორტსა და ენერგეტიკულ სექტორზე.
მედიის ინფორმაციით, სანქციები შეეხება: ორმაგი დანიშნულების საქონლისა და ტექნოლოგიების ექსპორტის აკრძალვას, რომლებიც გამოიყენება სამხედრო მიზნებისთვის და შეუძლია გააძლიეროს ქვეყნის სამრეწველო პოტენციალი; ნავთობის, ნახშირის, ფოლადის ნაწარმსა და ოქროს; სავაჭრო შეზღუდვები ფუფუნების საქონელზე, ინვესტიციებზე და გარკვეული სერვისების მიწოდებაზე; ზომები, რომლებმაც შეიძლება გავლენა იქონიოს ავიაციაზე და ენერგეტიკის სექტორზე, ქვეყნის შემოსავლის ძირითადი წყაროებზე.