კალიფორნიაში, ორ ლოკაციაზე სროლის შედეგად შვიდი ადამიანია მოკლული. ერთი დაშავებულის მდგომარეობა კრიტიკულია.
შემთხვევა სან-ფრანცისკოს მახლობლად მდებარე ქალაქ ჰალფ-მუნ-ბეიში მოხდა. რაიონის შერიფის ინფორმაციით, ეჭვმიტანილი, 67 წლის ადგილობრივი მცხოვრები დაკავებულია.
სროლა სოკოს ფერმაზე და სატვირთო-გადამზიდი კომპანიის ტერიტორიაზე მოხდა, რომელიც ფერმიდან დაახლოებით ორ მილში მდებარეობს.
ცნობისთვის, კალიფორნიის ქალაქ მონტერეი-პარკში გასულ კვირას მასობრივ სროლას 11 ადამიანი ემსხვერპლა.
„ტრაგედია ტრაგედიის შემდეგ“, – დაწერა გუბერნატორმა სოციალურ ქსელ „ტვიტერში“.
