შინაგან საქმეთა სამინისტრომ მთავრობას წარუდგინა კანონპროექტი, რომელიც პედოფილიაზე სასჯელის გამკაცრებას ითვალისწინებს.
შინაგან საქმეთა მინისტრის მოადგილე ნათია მეზვრიშვილის განცხადებით, არასრულწლოვნებთან სექსუალური კავშირი, კანონპროექტის კანონად ქცევის შემთხვევაში, სამუდამო პატიმრობით დაისჯება.
“პედოფილიაზე კანონის გამკაცრებას ითვალისწინებს ის კანონპროექტი, რომელიც მთავრობას წარვუდგინეთ, განსაკუთრებით, არასრულწლოვანების მიმართ სექსუალური ძალადობის ჩადენის ნაწილში. გავამკაცრეთ სანქციები და არასრულწლოვანის გაუპატიურების შემთხვევაში, დანაშაულის ჩამდენი პირის მიმართ, უვადოდ თავისუფლების აღკვეთაც იქნება გათვალისწინებული. ეს ადრე ასე არ იყო, – განაცხადა მეზვრიშვილმა.