,,რუსეთი ომში ვერ გაიმარჯვებს, თუმცა პუტინთან ლაპარაკი მოგვიწევს”- ჯო ბაიდენი

,,რუსეთი ომში ვერ გაიმარჯვებს, თუმცა პუტინთან ლაპარაკი მოგვიწევს,” – ამის შესახებ აშშ-ის პრეზიდენტმა ჯო ბაიდენმა ვაშინგტონში, უკრაინის პრეზიდენტ ვოლოდიმირ ზელენსკისთან ერთად გამართულ პრესკონფერენციაზე განაცხადა.

მისი თქმით, „მთელი პოლიტიკა – პერსონალურია, ესაა ერთად დასხდომა და ერთმანეთის თვალებში ჩახედვა. ამას ვერაფრით შეცვლი, მეგობარია ეს, თუ მეტოქე“.

„ომი შეიძლება, დასრულებულიყო დღესვე, პუტინს საერთოდ რომ ჰქონდეს ღირსება და გაეკეთებინა სწორი რამ, უბრალოდ ეთქვა – გაიყვანეთ სამხედროები, მაგრამ ეს ახლა ნამდვილად არ მოხდება. ამიტომ, ჩვენ გავაგრძელებთ უკრაინის მხარდაჭერას, რომ მან მიაღწიოს წარმატებას ბრძოლის ველზე ჩვენი, ევროპელი მოკავშირეებისა და სხვების დახმარებით.

პუტინმა რამდენიმე დღის წინ თავადაც აღიარა, რომ უკრაინაში ომი იმაზე რთულია, ვიდრე მას ეს წარმოედგინა. მას ეგონა, რომ ნატო-ს გატეხვას შეძლებდა. მას ეგონა, რომ უკრაინელები, რომლებიც რუსულ ენაზე საუბრობენ, მას მიესალმებიან და მიიღებენ. ის შეცდა და ცდება ახლაც. და როდესაც პუტინისთვის ცხადი გახდება, რომ მას არ შეუძლია ამ ომში გამარჯვება, სწორედ ამ დროს იქნება პრეზიდენტ ზელენსკისთვის შესაძლებელი, გადაწყვიტოს, როგორ სურს ამ ომის დასრულება“, – განაცხადა ბაიდენმა.

 

მსგავსი თემები