უცხოური მედიის ინფორმაციით, ავღანეთის პროვინცია ზაბულში 80 ადამიანი უცნობი დაავადებით დაინფიცირდა.
ზაბულის საზოგადოებრივი ჯანდაცვის დეპარტამენტის ოფიციალური პირების განცხადებით, დაავადების გავრცელების შედეგად 2 ბავშვი გარდაიცვალა.
გავრცელებული ინფორმაციით, დაავადებულებს აღენიშნებოდათ ისეთი სიმპტომები, როგორიცაა მაღალი სიცხე და ცხვირიდან სისხლდენა.
რეგიონის საზოგადოებრივი ჯანდაცვის დირექტორი მოსახლეობას სთხოვს, დაავადების სიმპტომების შემჩნევის შემთხვევაში საზოგადოებრივი ჯანდაცვის ცენტრს მიმართონ.
