,,დროა, ოპოზიციამ დატოვოს ე.წ. პარლამენტი, დავუძახოთ ადამიანებს ქუჩაში”- შალვა ნათელაშვილი

”ლეიბორისტული პარტიის“ ლიდერი, შალვა ნათელაშვილი ოპოზიციის წარმომადგენლებს პარლამენტის დატოვებისკენ მოუწოდებს. ნათელაშვილის განცხადებით, უნდა შეიქმნას საყოველთაო წინააღმდეგობის ფრონტი.

„როდესაც მთელ მსოფლიოს ვთხოვთ გვერდით დგომას და ეს ასეც ხდება, ჩვენ უნდა ვაჩვენოთ მოქმედებისა და ბრძოლის მაგალითი. მიკვირს, რატომ ზის დღემდე ოპოზიცია ე.წ. საქართველოს პარლამენტში, რატომ უმაგრებს ზურგს უკვე გაკოტრებულ და ჩამოგდებულ მსოფლიოსგან დაბრაკულ დიქტატორს. მეგობრებო, დროა, გაახაროთ ქართველი ხალხი თქვენც და საახალწლოდ დატოვოთ სამარცხვინო პარლამენტად წოდებული დანაშაულებრივი ორგანიზაცია, დავდგეთ გარეთ ხალხთან, შევქმნათ საყოველთაო წინააღმდეგობის ფრონტი, დავუძახოთ გმირ ადამიანებს ქუჩაში, რაც იქნება გარანტია, რომ უმოკლეს დროში რეჟიმი დაამთავრებს თავის არსებობას“, – განაცხადა ნათელაშვილმა.

მსგავსი თემები