მსოფლიო მოდის ერთ-ერთი ყველაზე პრესტიჟული ჯილდო, 2022 წლის BoF VOICES-ზე მოდასა და საზოგადოებაზე მოხდენილი გავლენისთვის ”ბალენსიაგას” კრეატიულმა დირექტორმა, დემნა გვასალიამ ვერ აიღო. მიზეზი ბრენდის ირგვლივ ატეხილი სკანდალია.
გვასალიას ნაცვლად ჯილდო ”ვალენტინოს” კრეატიულ დირექტორს გადაეცა.
ცნობისთვის, საქმე ეხება Balenciaga-ს კამპანიას, რომელშიც ბავშვები სათამაშო დათვის ჩანთებთან ერთად მონაწილეობენ. დათვებს ბადიანი მაისურები და ტყავის აღჭურვილობა აცვიათ, რაც საზოგადოების დიდი ნაწილისთვის სექსთან და სექსუალურ ფანტაზიებთან ასოცირდება. აღნიშნული კამპანიის გამო ბრენდი ბავშვების სექსუალიზებაში დაადანაშაულეს.