რუსეთის თავდაცვის სამინისტრო განცხადებებს იმის შესახებ, რომ პოლონეთში ჩამოვარდნილი რაკეტები რუსულია, პროვოკაციად აფასებენ.
უწყების ცნობით, შემთხვევის ადგილზე გადაღებულ სურათებზე რაკეტების ნამსხვრევები სპეციალისტების მიერ იდენტიფიცირებულია, როგორც უკრაინის კუთვნილი „ეს-300“-ების ელემენტები.
„პრჟევოდუვის დასახლებულ პუნქტში თითქოსდა „რუსული რაკეტების“ ჩამოვარდნის შესახებ სხვადასხვა უკრაინული წყაროსა და უცხოელი ოფიციალური პირების განცხადებები წარმოადგენს განზრახ პროვოკაციას ვითარების ესკალაციის მიზნით“, – აცხადებენ რუსეთის თავდაცვის უწყებაში.
სამინისტროს განცხადებით, რუსეთის ძალები მაღალი სიზუსტის დარტყმებს მხოლოდ უკრაინის ტერიტორიაზე არსებულ სამიზნეებზე ახორციელებენ, პოლონეთის საზღვრიდან სულ მცირე 35 კილომეტრის მანძილზე.
