თბილისში ოთხოთახიანი ბინის მიღების მოთხოვნით დევნილი ოჯახების განაცხადების შევსება დაიწყო

დევნილთა, ეკომიგრანტთა და საარსებო წყაროებით უზრუნველყოფის სააგენტომ თბილისში განსახლების მსურველი ოთხოთახიანი ბინის კანდიდატი დევნილი ოჯახების განაცხადების მიღება დაიწყო.

დევნილთა სააგენტოს ინფორმაციით, განაცხადის შევსება თბილისში, 2013 წლის პირველ ივნისამდე რეგისტრირებულ 7-8 სულიან დევნილ ოჯახებს შეუძლიათ.

საცხოვრებლით უზრუნველყოფის მოთხოვნით განაცხადის გაკეთება, 30 ნოემბრის ჩათვლით, ქვეყნის მასშტაბით არსებულ ნებისმიერ იუსტიციის სახლშია შესაძლებელი.

განაცხადები ასევე მიიღება სააგენტოსა და მის ტერიტორიულ სამსახურებში შემდეგ მისამართებზე: თბილისი, თამარაშვილის ქ.N15ა; გორი, სამების ქუჩა N1; რუსთავი, კოსტავას ქ.N20; ქუთაისი, აბაშიძის გამზ. N27; ზუგდიდი, აღმაშენებლის ქ. N106

მსგავსი თემები