დედოფალ ელისაბედ მეორის ცხედარი უინძორის სასახლის წმინდა გიორგის ეკლესიაში, აკლდამაში ჩაასვენეს. დაკრძალვის ცერემონია კი ვიწრო წრეში გრძელდება. დედოფალს მეუღლის, პრინც ფილიპის გვერდით დაკრძალავენ.
ტაძარში ჩატარებულ სპეციალურ რუტუალს 800-მდე სტუმარი ესწრებოდა. რიტუალის ბოლოს კი დედოფლის ყველა ტიტული გამოაცხადეს და გამოსამშვიდობებელი მელოდია ააჟღერეს. არქიეპისკოპოსმა კი მეფე ჩარლზი მესამე დალოცა და ეროვნული ჰიმნიც გაისმა.
სამეფოში დედოფლის გლოვა 26 სექტემბრამდე გაგრძელდება.