ე.წ ქურდული სამყაროს წევრობასა და მიმართვაში ბრალდებული 4 პირი სასამართლომ დამნაშავედ ცნო

თბილისის საქალაქო სასამართლომ ქურდული სამყაროს წევრობისა და ქართდული სამყაროსთვის მიმართვაში ბრალდებული ოთხი პირი დამნაშავედ ცნო.

სასამართლომ პროკურატურის მიერ წარდგენილი მტკიცებულებები გაიზიარა.

უწყების ცნობით, მტკიცებულებებით დადასტურდა, რომ 2021 წელს, ,,ქურდული სამყაროს“ სამმა წევრმა საზღვარგარეთ მყოფ ,,კანონიერ ქურდთან“ შეთანხმებით, ერთ-ერთ პირსა და მოდავე მხარეს შორის არსებული ფინანსური დავის გადასაწყვეტად, არაერთხელ მოაწყვეს ,,ქურდული გარჩევა“.

პრკურატურის ცნობით,  ბრალდება საქართველოს სსკ-ის 223’-ე მუხლის პირველი ნაწილით (,,ქურდული სამყაროს“ წევრობა), 1 პირს კი – სსკ-ის 223’’-ე მუხლის პირველი ნაწილით (,,ქურდული სამყაროსთვის“ მიმართვა) წარედგინათ.

სასამართლომ ,,ქურდული სამყაროს“ 2 წევრს სასჯელის სახით 8-8 წლით, ხოლო 1 წევრს – 7 წლით თავისუფლების აღკვეთა განუსაზღვრა. რაც შეეხება ,,ქურდული სამყაროსათვის“ მიმართვაში ბრალდებულს, მას სასჯელის სახით 3 წლით თავისუფლების აღკვეთა მიესაჯა.

მსგავსი თემები