საქართველოში ჩინეთის საელჩო აშშ-ის წარმომადგენელთა პალატის სპიკერის, ნენსი პელოსის ტაივანში ვიზიტს სოციალურ ქსელ „ფეისბუქში“ ეხმიანება.
„ეს არის „ერთი ჩინეთის“ პრინციპის და ჩინეთ-აშშ-ის სამი ერთობლივი კომუნიკეს დებულებების სერიოზული დარღვევა. მას აქვს სერიოზული გავლენა აშშ-ჩინეთის ურთიერთობების საფუძველზე და ჩინეთის სუვერენიტეტის და ტერიტორიული მთლიანობის სერიოზული ხელყოფაა“, – აღნიშნულია საელჩოს განცხადებაში.
საქართველოში ჩინეთის საელჩოს ცნობით, ნენსი პელოსის ტაივანში ჩასვლა ძირს უთხრის ტაივანის სრუტეში მშვიდობასა და სტაბილურობას და „ტაივანის დამოუკიდებლობის“ მომხრეთა „სეპარატისტულ“ ძალებს არასწორ სიგნალს უგზავნის.
