უკრაინის არმიის ჩრდილოეთის სარდლობის ინფორმაციით, გამთენიისას, ბელარუსის ტერიტორიიდან უკრაინის მიმართულებით 20-ზე მეტი რაკეტა ისროლეს.
სარდლობის ცნობით, 9 რაკეტა ჩერნიგოვის რაიონში, საზღვართან ახლოს ტყეში ჩავარდა.
კიევის რეგიონის ადმინისტრაციის ხელმძღვანელის ოლექსი კულებას განცხადებით, რაკეტები რეგიონის ვიშგოროდის რაიონში გარკვეულ “ინფრასტრუქტურულ ობიექტს” მოხვდა.
მსხვერპლის შესახებ ინფორმაცია ამ დროისთვის არ ვრცელდება.