საპარლამენტო უმრავლესობის წევრი ალუდა ღუდუშაური ბიძინა ივანიშვილის განცხადებას ეხმიანება, სადაც ივანიშვილი ადასტურებს, რომ მასსა და საქართველოში აშშ-ის ელჩს, კელი დეგნანს შორის შეხვედრა ნამდვილად შედგა.
ღუდუშაური საჭიროდ მიიჩნევს, ელჩმა მკაფიო და ამომწურავი პოზიცია დააფიქსიროს.
„ამ ყველაფერს აუცილებლად უნდა გაეცეს პასუხი, რადგან საქმე ეხება მოსახლეობისგან ლეგიტიმურ ინტერესს. სტრატეგიული პარტნიორობა აშშ- ისთან, ევროკავშირთან შეუქცევადი პროცესია და ვერავინ და ვერანაირი ძალები ამას ხელს ვერ შეუშლიან, მაგრამ კიდევ უფრო განმტკიცებისთვის და იმისთვის, რომ ეს ურთიერთობები არ დაზიანდეს, მიმაჩნია საჭიროდ, რომ ელჩმა მკაფიო და ამომწურავი პოზიცია დააფიქსიროს.
განცხადება მას შემდეგ გაკეთდა, რაც რამდენიმე დღის უკან ქალბატონმა ელჩმა უარყო ასეთი სახის შეხვედრა და თქვა, რომ დიდი ხანია არ შეხვედრია ბატონ ივანიშვილს. მიმაჩნია, რომ განცხადებაში თემა არ უნდა გაშლილიყო, რადგან ივანიშვილი ამ ქვეყნის გულშემატკივარია და არის პოლიტიკიდან გაწეული, რჩება ამ ქვეყნის ერთ- ერთ მთავარ მხარდამჭერად, შესაბამისად, ვფიქრობ, ყველაზე კარგი და აუცილებელი იქნება ყველაფერ ას ნათელი მოფინოს და შინაარსობრივ მხარეზე გააკეთოს საელჩომ და თვითონ ელჩმა განცხადება,”- განაცხადა ღუდუშაურმა.
ბიძინა ივანიშვილი ადასტურებს, რომ კელი დეგნანს მისივე თხოვნით შეხვდა – (mcm.ge)
