ჯანდაცვის მსოფლიო ორგანიზაციამ „მაიმუნის ყვავილთან“ დაკავშირებით, გლობალურად საგანგებო მდგომარეობა გამოაცხადა. ამ ეტაპისთვის, „მაიმუნის ყვავილი“ 75 ქვეყანაში დაფიქსირდა.
ჯანმოს მონაცემებით, მთლიანობაში, გამოვლენილია „მაიმუნის ყვავილის“ 16 500-ზე მეტი შემთხვევა. ტედროს ადანოს გებრეიესუსის ინფორმაციით, გარდაცვლილია 5 ადამიანი.
„ეს არის ეპიდემია, რომელიც სწრაფად გავრცელდა მთელ მსოფლიოში გადაცემის ახალი გზების მეშვეობით, რომლის შესახებაც ძალიან ცოტა გვესმის და რომელიც აკმაყოფილებს საერთაშორისო ჯანდაცვის რეგულაციების კრიტერიუმებს“, – აცხადებს ჯანმოს ხელმძღვანელი.
