,,შეიძლება მეც ვიყო”- ირაკლი ზარქუა 24 ივნისის აქციაზე

,,ველოდები იმას, რომ ისევ შეიკრიბებიან, შევიკრიბებით, მათ შორის ჩვენი მომხრეებიც, შეიძლება მეც ვიყო,”- ამის შესახებ საპარლამენტო უმრავლესობის წევრმა ირაკლი ზარქუამ 24 ივნისს დაგეგმილ აქციაზე საუბრისას განაცხადა.

მისი თქმით, საჭიროა ეროვნული თანხმობა, რადგან ქვეყნის ევროპული პერსპექტივა უფრო ცხადი და ხელშესახები გახდეს.

,,ის რაც აქცია იყო, იქ იყო გაერთიანებული განსხვავებული მსოფლმხედველობის ადამიანები და ჩვენ ვნახეთ, მცდელობა იყო რადიკალური ოპოზიციისგან, რომ ვთქვათ სცენაზე ასულიყვნენ, ბანერები აეტანათ და ისინი როგორ ჩამოაგდეს იქიდან და სწორი მიდგომა იყო, რა დროს მიშა და ნაციონალური მოძრაობაა. აქ ეროვნული თანხმობაა საჭირო, რომ ჩვენი ევროპული პერსპექტივა უფრო ცხადი და ხელშესახები გახდეს. რას ველოდები, ველოდები იმას, რომ ისევ შეიკრიბებიან, შევიკრიბებით, მათ შორის ჩვენი მომხრეებიც, შეიძლება მეც ვიყო. ისევე როგორც ამ წინა აქციაზე მათ შორის ჩვენი მხარდამჭერებიც იყვნენ, ძალიან ბევრი, ეს კიდევ ერთხელ ხაზგასმულ იქნა ჩვენი ევროპელი მეგობრებისგან, რომ მშვიდობიანად ჩატარდა აქცია, რაც არის დიახ, ნამდვილად, ქართული სახელმწიფოს საკადრისი, იმ ღირებულებების დამცველები ვართ, რომლითაც ევროპა დღემდე ამაყობს”,- განაცხადა ზარქუამ.

მსგავსი თემები